Mančester siti je lider Premijer lige, djeluje nezaustavljivo na putu ka novoj tituli prvaka Engleske.
Sinoć je na “Etihadu” savladan Brentford 2:0, pa “građani” i dalje imaju sigurnu razliku u odnosu na pratioce.
Pep Gvardiola je zadovoljan, a to nije često slučaj.
“Impresioniran sam stavom igrača iz više razloga. U svakom meču imaju želju da urade svoj posao na najbolji mogući način”, rekao je Gvardiola.
Da li je Siti najbolji tim na planeti?
“Obično hvale moje igrače, govore da smo najbolji tim na svijetu i sve te glupe stvari. To može da nas zbuni, ali moj igrači su normalni. Mi nismo najbolji tim na svijetu. Najbolji tim je Čelsi, ili River… Mi nismo najbolji, nije me briga za to”, kazao je Gvardiola.