Skupština Crne Gore danas nastavlja sa radom.
Poslanik DPS-a Oskar Huter pomenuo je i bivšeg GST-a Milivoja Katnića i njegovo stanje u koje se nalazi kao i njegovu odluku da stupi i u štrajk žeđu.
Huter je rekao da pravo na život ima svako i da zajednički djeluju da se presudi ljudima ali, kako kaže, živima.
“Je li ovdje nekome cilj da se sudi i presuđuje mrtvom čovjeku? Kad je to Crna Gora likovala nad tuđom mukom”, upitao je on.
Na to se nasmijao poslanik Nikola Camaj (AA).
“Nema potrebe da se smijete, pogotovo kad je ovakva tema u pitanju”, istakao je on.
Camaj je kazao kako ima pravo da se smije.
“Imam pravo da se smijem na upadice. Prošlost je pred vama, za nas je prošlo vrijeme kad je neko mogao govoriti da li neko može da se smije ili ne”, dodao je Camaj.
Huter ga je upitao čemu se smijao.
“Govorio sam o čovjeku i životu, a Vi ste se smijali – da li ste se smijali tome ili meni, ne znam”, odgovorio je.
Poslanik ZBCG Slaven Radunović kazao je danas u Skupštini da ako treba Milivoju Katniću će svaki dan davati krv samo da ostane živ i zdrav.
“Ja mu želim zdrav i dug život i priliku da odgovara pred sudom za zlodjela koja je napravio. Medojević je 13 dana štrajkovao glađu, mnogi su od toga pravili štoseve. Kad je Mandić štrajkovao, ismijavali su ga od strane DPS-a”, kazao je Radunović.
Podsjetio je na izjavu Katnića da je i pritvor za ljude.
“Sad kad je on uhapšen, sad on štrajkuje glađu. To je legitiman način borbe i dajte da imamo iste aršine. Svi imamo dobru krv i sve što treba”, naveo je Radunović.